Основање и регистрација на АД Електрани на Македонија
А.Д. „Електрани на Македонија“, Скопје настана со Одлука на Владата на Република Македонија, број 19-2626/1 од 30.6.2005 година, со реструктуирање на Електростопанство на Македонија - Акционерско друштво за производство, дистрибуција и снабдување со електрична енергија во државна сопственост, Скопје со издвојување и основање ново друштво за производство на електрична енергија.
Друштвото се запиша во трговскиот регистар во Основниот суд Скопје 1, Скопје, под т.рег.бр.5020/05 од 9.9.2005 година.
Фирма и седиште на Друштвото
Друштвото работи и учествува во правниот промет под фирма: Акционерско друштво за производство на електична енергија „Електрани на Македонија“, во државна сопственост, Скопје.
Во правниот промет Друштвото употребува и скратена ознака на фирмата која гласи: А.Д. „Електрани на Македонија“ во државна сопственост, Скопје.
Друштвото има скратено име А.Д. ЕЛЕМ - Скопје.
Седиштето на Друштвото е во Скопје, на улица „11 Октомври“, бр.9.
Дејност на Друштвото
Основна дејност на Друштвото е производство на електрична енергија и е дејност од јавен интерес. Со одлука број 02-1391/1 од 18.11.2005 година АД ЕЛЕМ доби лиценца за вршење енергетска дејност - производство на електрична енергија. Временскиот период на важење на лиценцата е 35 години и е со важност до 1 ноември, 2040 година.
На 20 март 2006 година, со Одлука број 02-410 од Регулаторната комисија за енергетика на Република Македонија, АД ЕЛЕМ доби лиценца за подружница „Енергетика“- Скопје за вршење на енергетска дејност, и тоа :
- производство на топлинска енергија
- дистрибуција на топлинска енергија
- снабдување со топлинска енергија
На 22 декември 2008 година, со Одлука број 02-2187/1 и Одлука број 02-2188/1 од Регулаторна комисија за енергетика на Република Македонија, АД ЕЛЕМ доби лиценца за подружница „Енергетика“- Скопје, за вршење енергетска дејност и тоа :
- дистрибуција на електрична енергија и
- снабдување со електрична енергија
Организациска поставеност
Организациски делови на Друштвото се: Дирекцијата и подружниците.
Производствени подружници се:
- ХЕС „Маврово“ - Гостивар
- ХЕС „Црн Дрим“ - Струга
- ХЕЦ „Тиквеш“ - Кавадарци
- ХЕС „Треска“- Скопје
- РЕК „Битола“- Новаци
- РЕК „Осломеј“ - Осломеј
- „Енергетика“- Скопје
Подружниците на Друштвото се организирани со акт на Управен одбор, врз основ на претходно одобрение на Надзорниот одбор.
Членови на Управен одбор во 2015 година се:
- М-р Дејан Бошковски
- Фатмир Лимани
- М-р Александар Пауноски
- Гордана Димитриеска-Кочоска
- М-р Анита Стамнова
- Билјана Василева
Членови на Надзорен одбор во 2015 година се:
- Светлана Биловска
- Донка Марковска
- Сефедин Халити
- Ристо Ачкоски
- Дончо Коевски
- Климент Наумоски
- Ивана Николиќ
- Д-р Христијан Мицкоски
Износ на основната главнина,номинална вредност на акциите и нивниот број
Основната главнина на Друштвото изнесува 31.738.878.000,00 денари (триесет и една милијарда седумсто триесет и осум милиони и осумстотини седумдесет и осум илјади денари) или 517.818.006,800 ЕУР според средниот курс на Народна банка на Р.Македонија објавен еден ден пред усвојување на Статутот.
Основната главнина на Друштвото е поделена на 31.738.878 обични акции што гласат на име, со номинална вредност од 1.000 (илјада) денари денари по акција.