Човечки ресурси

Човечки ресурси

Секторот за правни и општи работи преку Одделот за нормативни работи и органи на Друштвото ги изработува и ги доставува сите материјали што произлегуваат од работењето на органите на управување и надзор во АД „Електрани на Македонија“, во државна сопственост – Скопје, и од работењето и на Управниот одбор и на Надзорниот одбор. Одделот за нормативни работи и органи на Друштвото во периодот од 1.1.2015 до 31.12.2015 година подготви материјали за 85. состаноци на Управниот одбор на АД ЕЛЕМ – Скопје.

Управниот одбор на АД ЕЛЕМ- Скопје донесе повеќе одлуки, на кои беа разгледани материјали кои се во негова надлежност, меѓу кои се следниве (хронолошки):

• Предлог-oдлука за изменување и за дополнување на Статутот на АД ЕЛЕМ;
• Одлука за донесување Финансиски план на АД ЕЛЕМ за 2015 година;
• Одлука за донесување Годишен план за јавни набавки за 2015 година;
• Одлука за донесување Годишна инвестициска програма за 2015 година;
• Одлука за донесување Мерки за штедење на АД ЕЛЕМ;
• Одлука за донесување Правила за продажба на вишоци на електрична енергија и

моќност;

• Одлука за донесување Правилник за лична заштитна опрема;
• Одлука за донесување Мрежни правила за дистрибуција на електрична енергија;
• Одлука за донесување Процедура за продажба на отпад;
• Измена и дополнување на Упатството за шифрирање материјали;
• Одлука за донесување Кодекс на етика на АД ЕЛЕМ – Скопје;
• Одлука за донесување Правила за ред и дисциплина;
• Одлука за донесување Процедура за користење на возниот парк на АД ЕЛЕМ – Скопје;
• Одлука за донесување Консолидирана годишна сметка и Консолидиран

финансиски извештај на АД ЕЛЕМ за период од 1.1.2014 до 31.12.2014 година;

• Одлука за донесување Процедура за движење и ликвидирање документи пред сметководствено евидентирање во Секторот за финансиски работи во Дирекцијата и во подружниците;
• Одлука за донесување конечен извештај за проектот „ Ревитализација на шест ХЕ –  втора фаза“;
• Одлука за донесување Кодекс на етика на АД ЕЛЕМ;
• Одлука за усвојување на Анализата на состојбата на енергетските објекти во сопственост на АД ЕЛЕМ;
• Одлука за усвојување на Анализата за можноста за конверзија на ТЕЦ Неготино на природен гас;
• Одлука за усвојување опција за ревитализација на ТЕЦ Неготино со увозен висококалоричен јаглен;
• Одлука за именување членови на Комисија за заштита на правата;
• Одлука за усвојување на извештајот за статусот на реализација на акцискиот план за постапување по наодите на независниот ревизор, по извршената ревизија во 2013 година во АД ЕЛЕМ – Скопје;
• Одлука за усвојување извештај од спроведена постапка за отуѓување отпадни материјали од Комисија за отпад;
• Одлука за усвојување извештај од работна група за вредносно и количинско усогласување на состојбата на резервни делови и суровини меѓу РЕК „Битола“ и ФОД ДООЕЛ „Новаци“;
• Одлука за усвојување на дополнувањето на завршниот извештај од работната група за набавка на рударска опрема за потребите на ПЕ Рудници,подружница РЕК „Битола“;
• Одлука за усвојување Правилник за приватно обезбедување за сопствени потреби;
• Одлука за формирање работна група за евалуација на понуди за задолжување за проектот „Топлификација на Битола, Могила и Новаци-прва фаза“;
• Одлука за продолжување со постапката за задолжување обезбедена со државна гаранција за проектот „Топлификација на Битола, Могила и Новаци-прва фаза“;
• Одлука за задолжување без државна гаранција за проектот „Набавка на рударска опрема за потребите на ПЕ Рудници-РЕК ‘Битола’“;
• Одлука за формирање работна група за евалуација на понуди за задолжување без државна гаранција за проектот „Набавка на рударска опрема за потребите на ПЕ Рудници-РЕК ‘Битола’“;
• Одлука за доделување стипендии на студенти од Машински факултет-Скопје;
• Одлука за доделување стипендии на студенти од ФЕИТ-Скопје;
• Одлука за доделување стипендии на студенти од Технички факултет-Битола;
• Одлука за усвојување на Анализата за исплатливоста на транспорт на јаглен од јагленово наоѓалиште Неготино до ТЕЦ „Битола“ и до ТЕЦ „Осломеј“;
• Одлука за усвојување на предлог-процедурата за внатрешна ревизија од Службата за внатрешна ревизија;
• Одлука за усвојување Годишен извештај за работата на Управниот одбор на АД ЕЛЕМ-Скопје за 2014 година;
• Одлука за усвојување Процедура за движењето и ликвидирањето на документи пред нивно сметководствено евидентирање во Сектор за финансиски работи во Дирекцијата и во подружниците на АД ЕЛЕМ;
• Одлука за вршење редовен попис на средства, побарувања и обврски на АД „Електрани на Македонија“, во државна сопственост, Скопје за 2015 година и формирање Централна пописна комисија;
• Одлука за усвојување информација за проектот „Набавка на рударска опрема за потребите на ПЕ Рудници – РЕК ‘Битола’“ со барање за донесување одлука за задолжување на АД ЕЛЕМ-Скопје со државна гаранција кај меѓународни финансиски институции;
• Одлука за усвојување План за производство за задоволување на потребите од електрична енергија на АД ЕЛЕМ за 2016 година;
• Одлука за донесување Годишна инвестициска програма за 2016 година;
• Одлука за усвојување Извештај односно подлоги за анализа на можностите за снабдување на термоелектричните централи во РЕК „Битола“ со јаглен од рудниците во РЕК „Битола“ во следните 10 години;
• Одлука за усвојување одлука за склучување договор за заем со КФВ банка (КfW ) за финансирање на проектот „Топлификација на Битола, Могила и Новаци“;
• Одлука за донесување Годишен план за јавни набавки за 2016 година;
• Одлука за усвојување објава на ликвидациска постапка од ЕЛЕМ Топлификација ДООЕЛ Новаци, во ликвидација;
• Одлука за донесување Финансиски план за 2016 година;

Одлука за усвојување Акциски план врз основ на извештајот на Надзорниот одбор за подобрување на работaтa на АД ЕЛEM.

Управниот одбор, во согласност со неговите статутарни и законски надлежности, ги разгледуваше месечните и годишните извештаи за работењето на подружниците на АД ЕЛЕМ-Скопје, како и кварталните и годишните извештаи на трговските друштва чиј основач е АД ЕЛЕМ - Скопје (ФОД ДООЕЛ Новаци, ФОРТ ДООЕЛ Осломеј, ЕЛЕМ Топлификација ДООЕЛ Новаци, ЕЛЕМ ТУРС ДООЕЛ Скопје, ЕЛЕМ ТРЕЈД ДООЕЛ Скопје).
Секторот за правни и општи работи преку Одделот за нормативни работи и органи на Друштвото во текот на 2015 година подготви материјали за 15. состаноци на Надзорниот одбор на АД ЕЛЕМ-Скопје, на кои беа донесени одлуки за кои Надзорниот одбор дава претходно одобрување, во согласност со Законот за трговски друштва и Статутот на Друштвото. Исто така, Надзорниот одбор вршеше редовно разгледување на извештаите за работењето на секторите во АД ЕЛЕМ-Скопје, и други материјали за кои е надлежен да одлучува.
Во Секторот за правни и општи работи беа подготвени сите записници од состаноците на Управниот и на Надзорниот одбор, и беа подготвени и објавени 22 службени гласници на АД Електрани, во државна сопственост - Скопје.

Службата за општи работи, со цел подобра контрола на трошоците за гориво, оваа година подготви норматив за просечна потрошувачка на гориво за сите возила во возниот парк на АД ЕЛЕМ – Скопје, Дирекција. Во случај на забележана зголемена потрошувачка на некое од возилата, нормативот ке биде референтен за проценка дали потрошувачката е во рамките на нормалните допуштени вредности.
Во согласност со процедурите на стандардот за безбедност и здравје при работа ОКСАС 1801 (OHSAS), возачите се информирани за упатството за безбедна работа.
Службата за општи работи, во согласност со Процедурата за архивско работење на АД ЕЛЕМ, а со цел поефикасно спроведување, воведе роковни штембили за сите сектори во Дирекција, со што секој документ кој влегува во архивата, покрај со соодветниот архивски знак, ќе биде означен и со рокот за чување на документот. Со тоа е олеснета постапката за разведување на документите во согласност со нивниот рок за чување.
До државниот архив на РМ беше поднесен план на архивски знаци, листа на архивски материјал и листа на материјали со рокови за чување за 2016 година. Листите и плановите беа одобрени.
Во делот на одбрана, заштита и спасување, и кризи во овој период преземени се повеќе активности, меѓу кои позначајни се:

•  изготвен е Годишен план за работа со документи за одбрана за 2015 година, одобрен од генералниот директор,
• изготвен е Годишен план за работа со документи за заштита и спасување за 2015 година, одобрен од генералниот директор и помошник- директорот за правни и општи работи,
• изработен е воен електроенергетски биланс за 2015 година и други потребни документи,
• одржана е основна обука на штабови за заштита и спасување (Дирекција и подружници),
• одржана е обука за класифицирани информациии на носителите на безбедносен сертификат во соработка со стручни лица,
• одржани се обуки на универзалните единици за заштита и спасување по претходно добиена согласност од генералниот директор и помошник- директорот за правни и општи работи,
• спроведена е подготовка, организирање и одржување обуки за следниве системски учења : одбрана на вработените, основни обуки на штабови за заштита и спасување, основна обука на единици за заштита и спасување, обуки на универзални единици за заштита и спасување, обука за класифицирани информации во Дирекцијата и во подружниците на АД ЕЛЕМ – Скопје, во соработка со Дирекцијата за заштита и спасување на Република Македонија,
• изработени се потребни документи и организирани се обуки за носителите на безбедносен сертификат на АД ЕЛЕМ – Скопје.

Вкупниот број на вработени во АД ЕЛЕМ- Скопје, заклучно со 31.12.2015 година, изнесува 4.772 работници на неопределено време и 302 работници вработени преку Агенција за привремени вработувања.
Бројот на работниците во Дирекцијата и подружниците на АД ЕЛЕМ- Скопје, со состојба 31.12.2015 година е следна: подружница ХЕС „Маврово“-Гостивар - 349 вработени, подружница ХЕС „Црн Дрим“-Струга - 216 вработени, подружница ХЕЦ „Тиквеш“-Кавадарци - 91 вработен, подружница ХЕС „Треска“ –Скопје - 94 вработени, подружница РЕК „Битола“- Новаци - 2.720 вработени, подружница РЕК „Осломеј“- Осломеј - 974 вработени, подружница „Енергетика“ – Скопје -151 вработен, и Дирекција-Скопје-177 вработени.

Според степенот на стручна подготовка најголем број вработени или 41% се со IV степен средно училиште; 25% од вработените се со III степен средно училиште во занимање; 11,25% се ПК работници со II степен; 10,39% се со VII/1 степен или високо образование; 5,4% се со I степен неквалификувани вработени; 2,95% се со VI степен вишо образование; 2,58% се со V степен високо квалификувани работници; 1,34% се со VII/2 степен магистри и 0,1% од вработените во Друштвото се со VIII степен доктори на науки.

Табеларен преглед е прикажан во прилог 1.

Според возраста најголемиот процент на вработени односно 41,26% се на возраст од 46-55 години; 22,34% се на возраст од 56-64 години; на возраст од 36-45 години се 21,65% од вработените; на возраст од 26-35 години се 13,16%; на возраст до 25 години се 1% и на возраст над 64 години се 1% од вработените.

Според половата структура во АД ЕЛЕМ-Скопје најголемиот број или 4.158 вработени односно 87% се мажи и 614 или 13% се жени.

Табеларен преглед е прикажан во прилог 2.